Nou apresye Bidjè Egzekitif Majistra a gen ladan anviwon $600 milyon dola pou pwogram edikasyon enpòtan ki te nan risk pou yo koupe drastik oswa elimine akòz ekspirasyon fon estimilis federal COVID-19 la. Inisyativ sa yo benefisye plizyè santèn milye elèv chak ane, e pèt yo t ap devaste. Poutan, yon kantite pwogram edikasyon enpòtan, ki enkli kòm priyorite nan repons Konsèy Vil la nan bidjè preliminè a, rete sou blòk koupe bidjè a. Nou ankouraje Konsèy la asire ke yo retabli finansman pou pratik jistis restorative; Kontinyòm Sante Mantal la; kominikasyon ak kontak ak fanmi imigran; lekòl kominotè; ak Sant Siksè Elèv yo. Pandan ke finansman pou pwogram sa yo ap ekspire nan mwa jen, bezwen yo pa disparèt.

Konsènan edikasyon timoun piti, nou ankouraje Konsèy la asire bidjè final la rejte $170 milyon yo pwopoze koupe nan 3-K ak Pre-K. Anplis de sa, bidjè final la dwe genyen ase finansman pou satisfè obligasyon legal Vil la genyen pou l bay tout timoun ki bezwen yo klas edikasyon espesyal ak sèvis preskolè. Sèvis sa yo pa opsyonèl, men, kounye a, dè santèn de timoun ap tann yon plas nan yon klas edikasyon espesyal preskolè e plizyè milye timoun preskolè ki gen andikap ap tann pou sèvis legalman obligatwa yo.

Vil la dwe tou adrese inaksesiblite bilding lekòl yo depi lontan lè li alokasyon yon lòt $450 milyon—pou yon envestisman total de $1.25 milya—pou pwojè aksè lekòl nan Plan Kapital 2025–2029 la. Depi kòmansman ane eskolè 2023–24 la, sèlman 31% lekòl yo aksesib nèt pou elèv, pwofesè, paran ak manm kominote ki andikape yo.