Chalkbeat — Swasanndis senk nan kowòdonatè kominotè yo finanse ak èd federal pou pandemi yon sèl fwa ki ekspire an jen, epi 25 ki rete yo sipòte ak fon vil la ki poko renouvle.

Yo te kreye pozisyon kowòdinatè kominotè ki baze nan abri an 2022 sou ensistans defansè yo. Anvan pandemi an, kowòdinatè kominotè yo te sèlman baze nan lekòl yo. Depatman Edikasyon an anplwaye tou lòt anplwaye yo rele "asistan familyal" ki travay nan abri epi ki pa finanse pa èd federal. Men, defansè yo di anplwaye sa yo, ki touche mwens pase kowòdinatè kominotè yo epi ki travay sèlman 10 mwa pa ane, souvan pa ka satisfè tout bezwen konplèks fanmi ki nan abri yo.

Kowòdonatè kominotè yo pami yon lis long manm pèsonèl ak pwogram enpòtan ki gen finansman lye ak èd federal ki pral ekspire – yon lis ki gen ladan 450 travayè sosyal lekòl, lekòl matènèl gratis pou timoun 3 zan, ak lekòl kominotè ki asosye avèk òganizasyon kominotè pou bay fanmi yo sèvis siplemantè.

Pandan dat limit bidjè a ap pwoche, fanmi yo ak defansè yo ap mande vil la pou l prezève kowòdinatè kominotè yo, yo diskite ke yo jwe yon wòl enpòtan nan premye liy de kriz ki an kolizyon: kantite elèv k ap ogmante anpil - anpil ladan yo se imigran ki fèk rive - k ap viv nan abri pou moun ki san kay, ak ogmantasyon pousantaj absans kwonik apre pandemi an.

“Li enpanse pou finansman pou kowòdinatè kominotè ki baze nan abri an danje nan yon moman kote gen yon gwo bezwen konsa,” te di Jennifer Pringle, direktè pwojè Learners in Temporary Housing nan òganizasyon san bi likratif Advocates for Children, ki travay pou sipòte edikasyon jèn ki pa gen kay.

Pòtpawòl Depatman Edikasyon an, Jenna Lyle, te di kowòdonatè yo “bay resous ak sipò esansyèl pou jèn nou yo ki nan lojman tanporè.”.

“Nou vrèman rekonesan pou finansman estimilis nou te itilize pou sipòte yon seri pwogram ak wòl ki sipòte byennèt elèv yo, sitou pandan n ap kontinye reponn a kriz migran ki kontinyèl la,” li te ajoute. “Nou pral revize priyorite sa yo pandan n ap pase nan pwosesis bidjè a.”