12.05.2022 | NY Daily News | “Prèv yo montre egzamen enpòtan sa yo pa gen rapò ak siksè. Okontrè, yo plis sèvi kòm yon baryè,” se sa Juliet Eisenstein, yon avoka nan Advocates for Children, ki te mennen petisyon an, te deklare. 

Eisenstein fè pati yon komisyon leta ki gen 64 manm, ki te resevwa pou misyon an septanm pou revize mezi gradyasyon leta a, e ki pral reyini ankò madi. Leta a, ki t ap konsidere mizajou nan politik gradyasyon li anvan pandemi an, te retade nenpòt chanjman pèmanan pandan viris la te entèwonp reyinyon an pèsòn. 

Yon etid sou 11,000 distri lekòl pandan yon dekad, site pa Advocates for Children, te jwenn ke to abandònman elèv 12yèm ane yo te ogmante pa 23 pousan nan eta ki te egzije elèv yo pase egzamen sòti, san yo pa t ofri lòt fason pou jwenn diplòm. 

“Ka gen yon elèv ki gen andikap ki nan klas yo e ki kapab demontre sa li aprann,” te di Eisenstein. “Menm si li pase tout klas li yo, paske li pa ka pase egzamen ki gen gwo konsekans lan, sa ka fè diferans ant resevwa diplòm li oswa kapab ale nan kolèj.” Li atik