Chalkbeat – Gouvènè Kathy Hochul pwopoze yon ogmantasyon plis pase 1.4 milya dola nan finansman pou lekòl piblik nan eta a, pandan li mande tou yon ekstansyon kat ane pou sistèm kontwòl majistra vil Nouyòk la ki divize opinyon.

Kim Sweet, direktè egzekitif Advocates for Children of New York, te mande leta pou l angaje plis finansman pou sipòte distri lekòl yo ki te konte sou lajan sa yo pou kenbe pwogram esansyèl yo.

“Se sèlman Vil Nouyòk k ap depanse anviwon $1 milya dola chak ane nan fon federal k ap ekspire pou peye 450 travayè sosyal lekòl, ekspansyon pwogram 3-K, pwogram edikasyon espesyal pou pre-eskòl ke lalwa egzije, 75 kowòdonatè kominotè nan abri, lekòl kominotè, 60 sikològ, pwogramasyon bileng, inisyativ alfabetizasyon, ak plis ankò,” li te di nan yon deklarasyon. “Pandan nou apresye ke Gouvènè a ap pwopoze ogmante finansman edikasyon an an jeneral, moman sa a mande plis.”