AFC Temwaye Konsènan Divèsite nan Lekòl Vil Nouyòk yo
AFC te temwaye devan Komite Edikasyon Konsèy Vil la konsènan divèsite nan lekòl vil Nouyòk yo. Asire ke elèv ki soti nan divès orijin gen aksè nan lekòl ak pwogram ki gen anpil siksè se yon bagay enpòtan, men se sèlman yon etap. Pandan Konsèy Vil la ap fè efò pou asire ke chak lekòl ak pwogram nan vil Nouyòk sèvi yon gwoup divès elèv, Vil la ak DOE bezwen prepare lekòl yo pou bay elèv sa yo yon edikasyon ekselan. Lekòl yo bezwen resous, fòmasyon, ak devlopman nan pwogram espesyalize pou satisfè bezwen tout elèv yo, enkli Elèv k ap Aprann Lang Angle ak elèv ki gen andikap.
